عمرك شوفت نمر اتمرد
و قال لصحابه انا ملك الغابه ..؟!!!
عمرك شوفت قرد أتعرض ..
يوم لغزاله أو سنجابه ..؟!!
عمرك شوفت فهد اتجنن ..
و هو وصاحبه عملوا عصابه ..؟!!
عمرك شوفت حيوان واحد ..
عايش عمره بكل كأبه ..؟!!
هم الدنيا ... و كل الدنيا ..
عاشوا حياتهم ثانيه ب ثانية ..
و احنا يادوبك مخاليق تانيه
بالنسبة لنا هم الارقي
و احنا ف غابه ايوه ف غابه
بنبيع بعض بكل خيابه ..
وشكل تاريخنا عايز له كتابه
طول ما هي ويانا مش فارقه
سيد صادق
ليست هناك تعليقات:
إرسال تعليق