ورا الستاره بنت واقفه,,,,,,,,,,,#‏اسلام_محمد‬..........مجلة فيتارة القلم الذهبي

ورا الستاره بنت واقفه
بتسمع كلامهم و مكسوفه
و في نفس الوقت خايفه
اصلها حبت واد رجوله
اصله دخل البيت من بابه
و مخلفش بوعودهم المكتوبه
و خلاص الخوف اصبح ماضي
لما سمعت زغروطه
و البنت بقت طايره من الفرحه
و تنهيده كانت مكتومه
و اقفل المشهد بصينية شربات
و نظرات باينه و مفهومة
و قراءة الفاتحه و مبروك
و بداية قصتهم المعهودة
‫#‏اسلام_محمد‬