** .. دنيا الغلابه .. ** /// بقلم / عـــــادل الشــــــهــابى /// مجلة ~ فيتارة القلم الذهبي

دنيا الغلابه
ماشى سارح زى السحابه ...
وقفت يا ناس فى دنيا الغلابه ..
دنيا ومحاوطها الديابه ....
فيها قصص أشكال والوان ...
فيها الوفى وفيها اللى خان ...
فيها المرتاح وفيها التعبان ....
دنيا وأمرها غريب ...
وكل شىء فيها عجيب ...
وكل شىء فيها قسمه ونصيب ...
فيها الطيب وفيها الشنيب ....
دنيا الغلابه كل شىء فيها ممنوع ...
قولنا نستعرض ونشوف أيه الموضوع ..
لقينا كل اللى فيها يا ناس موجوع ...
فيه اللى تعبان والمرض هده ..
وحدانى فقير ولا فيش حد عنده ..
نايم من المرض مع ولاده مفيش غيره ....
فى لحظه مستنى الموت يزوره ...
ودى قصة واحد من الغلابه كمان ...
طول عمره ماشى فى الدنيا شقيان ...
علشان يستر ولاده بين الجيران ...
ويجهز ولاده يمكن فى لحظه تيجى العرسان ..
لكن مفيش حاجه مقضيه ...
ومش مكفيه يا ناس النقديه ...
والدنيا عليه مستعفيه ....
يا دنيا مالك كده قويه ...
دى حكاية بعض الغلابه يا دنيا ...
لكن اكيد هنكتب قصص تانيه ...
بقلــــــم: عـــــادل الشــــــهــابى