.شعر عامى عن بوح الصورة
..............
..............حبيتك يا جنية
ياللى صحيتى الإحساس فيّ
ّبعد مكنت تايه فى الدنيا
من غير ونيس يشعر بيّ
وكنت تملّى عايش وحيد
وسط الشجر بدور على إنسية
تنور حياتى وتزيل أهاتى
وتكون نور عينيّ
وسند ليّ
ومن يوم ماشوفتك على وش الميا
العقل تاه منى والشوق سرح فيّ
وبقيت عايش هيمان
بفكر فيكى ليل وصبحية
والوحدة بقت سجان
وقلبى فيكى داب
والشوق عمى عنيّ
مبقتش اشوف ألوان
ولا جمال فى الدنيا
وبتمنى من الزمان
إنه يحن عليّ
واشوفك تانى ياأجمل. هدية
.................انا كمان حبيتك يا إنسان
انا شوفت فيك الطيبة والحنية
يارتنى كنت زيك إنسية
كنت هفرشلك الارض زهور
واعيشك فى احلام وردية
بس فى النهاية انا خيال
وبعيش فى دنيا تانية
دنيا من الوهم والخيال
ومش ممكن اكون قصة حقيقية
اسمعها منى نصيحة
لا انا ليك ولا انت ليّ
جرحك مش هيداويه غير إنسية
تعمر صحرة عمرك خضرة
وتسليك بالشوق والملاغية
وتسعد قلبك وتعيشك عيشة هنية
ولو شفتنى فى حلمك تانى
ابقه افتكر انى انا جنية
بقلمى انتصار سلامة
ليست هناك تعليقات:
إرسال تعليق