، حرروا فلسطين ،،، ........ شعر ،، عمادالدين العيطة ،،........ مجلة فيتارة القلم الذهبي

،،، حرروا فلسطين ،،،
........ شعر .........
،، عمادالدين العيطة ،،
أنا سامع أنين طالع ..
من تحت التراب والطين
بيقول : فداك يافلسطين
وشهيد بينادى ع السامعين 
وبشر الصابرين 
وسامع صوت الولاد بينادوا
فين صلاح الدين
فين الشهامة ... فين
وضمير المسلمين ...
وإلا إنتوا مش فاكرين
وإلا العرب خايفين
أمى وأبويا ماتوا ..
بين إيدين خاينين
وأنا واقف لوحدى
ماسك بإيدى الطين
طينك .. يافلسطين 
أنا واقف لوحدى
ماسك كتاب الدين 
وبقول الله أكبر ..
ع اللى مش حاسين
ع اللى سابونى لوحدى
شايل فوق دماغى الطين
ليه ياعرب ساكتين ..
ماتحرروا فلسطين ..!!