قصيدة(أنا مين) ‫#‏الشاعرة_رضاعبدالوهاب‬ ///مجلة فيتارة القلم الذهبي

عمرى مقسوم مابينى
و ما بين نفسى اتنين
نص فرحان والنص
التانى........ حزين
أنا طيب آه لأ انا شِرِّير
مِسكين متحجرفى الأحاسيس
وبموت من دمع العين.أنامين
إنسان عايش ولا أنا ميت
وطريقى فين ؟؟
بتكلم ع الأحلام
وبموت من أى كلام
مادد إيدى وبسلم
وبلعب على الوشين
أنا مين ....أنامين؟؟
أنا رافض أى سكوت
وإن جيت أتكلم أموت
وبقول للحب يعيش
والكره إبعد ماتجيش
متقطع بين الإتنين
أنا مين ...أنامين ؟؟
أنا حُر ومش مسجون
وجوَّايا طريق مقفول
ومربوط بألف لِجام
وبعلِّى صوتى وأقول
دايماً للكل... آمين
أنا مين ...أنا مين؟؟
بتألم وأنا مبسوط
وببكى من غير صوت
وبعيش لو مين بيموت
وأفرح والكل حزين
أنا كل المتناقضات
بعشق بكره بجنون
إنسان كاره للكون
ولاّ فعلاً اتنين أنا مين
أنا كل شىء والعكس
موهوم وجبان وما أخافش
بمشى وأجرى مابقفش
وأتمنى الأرض ساعات
تنشق تاخدنى لتحت
وأدارى مابين جدارين
أنا مين....أنا مين؟؟
أنا خيط مقطوع من
كتر الشد أنا شىء
ممنوع ومالهوش حد
أنا كلمة حروفها ناقصة
كلام أنا دمعة عين
ناقصها آلام أنا شوكة
ملازمة كل الورد ...ووردة
دبلانة مطوية مابين سطرين
وقلب سهم قَسمه اتنين
أنا مين.....أنا مين؟؟
أنا بُكره.... ولاَّ امبارح
أنا غُصن مزهر طارح
ولاّ أنا أرض عطشانة
ومشقوقة نصين
أنا عاشق ولاَّ مِسلِم للحب
رافض أتكلم بحزن أفرح أتألم
ودموعى مالية العين
إنسان طابعه ألأنانية ولاّ أنا مش
صافى النية والدنيا جاية علىَّ
واحد من ضمن البنى آدمين
أنا مين يازمان بصراحة
مخلوق عايش بالراحة
ولا ضاربنى ورمينى ولاحد
بيسأل فيه أنا مُش واحد
مقسوم أنا عِشت سنين
مهزوم أنا مِتكسَّر ميت حتة
موجوع ولا قادر أقوم
أنا رافض للحرية ومنسوب
للبشرية وماشى طريقى
وآخرى أستنى قيامة تقوم
قصيدة(أنا مين)
‫#‏الشاعرة_رضاعبدالوهاب‬