أنا ليا نايب
*****
ف البلد دى انا ليا نايب
مهما طال الوقت برده
مش هسيب حقى اللى غايب
كل واحد بيحب بلده
وهيا ليها كتير حبايب
***
ف البلد دى انا ليا نايب
***
ف ارضها والشمس حاميه
وبفاسى بزرع وشقايا حابب
وعرقى نازل يروى فيها
كأنه نهر كبير وسايب
لأجل كله يعيش ف خيرها
إللى حاضر وإللى غايب
ولما بتعب برتاح ف ضله
من العصارى للمغارب
وعلى بيتى بجري بسرعه
وابوس إيدين ست الحبايب
***
ف البلد دى انا ليا نايب
***
لو مكنتش انت حاببها
هييا ليها كتير حبايب
لييا فيها وف علامها
ومش هكون لحقى سايب
وعلام ولادى برده حقى
وحقها ومش هبقى خايب
لييا فيها وهييا ليها
نعدى بيها للامام حتى ف قارب
***
ف البلد دى انا ليا نايب
مهما طال الوقت برده
مش هسيب حقى إللى غايب
كل واحد بيحب بلده
وهييا ليها كتير حبايب
لو مكنتش انت حاببها
مين هيكون لبلده حابب
***
البلد دى ليها فينا نايب
***
عصام غريب جاد
ليست هناك تعليقات:
إرسال تعليق