يالى بتقولوا الامثال
وبتحكوا عن اهل زمان
انا هحكى لكم موال
هايجر وراه الف
سؤال
الاجابه عندى انا
اول مثل هتسمعه
عمرك ابدا ما تشجعه
ا
لو الفول أصبح زى التبن -
إوعى تحبى مرات الإبن
اول مثل دة راح اقوله
واشرحلكم عرضه وطو له
لوبنتك ديه مؤدبه
/ بالحكمه تبقى مرتبه
حماتها ليه تزعل منها
دا البنت اصلى مؤدبه
كلمه هااقولها وماعديهاش
التربيه دى اصل اساس
اصلى الزمان دا يابنت الناس
ممكن يخلى البنت مداس
ويعاملها بدون احساس
بس برضه بنت الأصول
ىبتبقى معروفه على طول
وكلنا من غير مانقول
هانقول عليها دى بنت ناس
ومسيرك يابنت اليوم
هاتبقى حما زى اليوم
- والبنت هاتطلع عينك
وتكرهى عيشتك وسنينك
فخليكى عادله وياها
واحسنى ف تعاملك دا معاها
لحسن تشربى من نفس الكاس
وتضربى اخماس ف اسداس
عشان كده قلت نصيحه
خليكى زينه يابنت الناس
بقلمى عزة احمد ابوزيد
ليست هناك تعليقات:
إرسال تعليق