** .. ليه ممنوع .. ** // بقلم / عــــــادل الشـــــــهـــابى // مجلة ~ فيتارة القلم الذهبي

****** ليه ممنوع ******
قولت عاوز أحلم قالوا حلمك ممنوع ....
سالت ليه ردوا سؤالك غير مشروع ....
صرخت عاوز اعرف أيه الموضوع ....
وليه أنا فى كفة التجاهل موضوع .....
يا ناس انا بشر مش من حديد مصنوع ...
من حقى احلم وامنى القلب اللى بين الضلوع .....
من حقى أعيش وشانى يكون مرفوع .....
من حقى أحلم مادام حلمى يا ناس مشروع ....
ومش عاوز اسمع كلمه تانى ممنوع ....
أنا اللى عايش وصابر وبضحك وانا موجوع ...
أنا اللى مشيت الطريق ومفيش منه رجوع ...
لازم أكمل المشوار لو حتى هموت من الجوع...
ليه بتلمونى على انى عايش بين الناس بوضوح ...
وليه عاوزين عقلى يكون ممسوح ...
هحلم لو حتى هعيش فى كوخ .....
ومش هخلى حلمى يكون مسفوح ....
هيكون معايا فين ما أروح ....
أنا اللى حلمى واجب التحقيق ...
لانه الابن والاخ والصديق ...
وعلشانه هسلك كل طريق ....
خلاص حلمى مش هيكون ممنوع .....
ولا هيكون فيه الم كمان ودموع .....
وطريقه مش هيكون منه رجوع ...
هحلم وحلمى همسكه بايدى ....
وهرسم فيه ورد وهيكون فيه عيدى ....
وهقول للفرحه فيه زيدى كمان وزيدى ...
والنجوم كمان همسكها بايدى ...
والقمر ينادى عليا ويقولى يا سيدى ....
والشمس تغنى وهقولها عيدى وعيدى ...
انا اللى حلمى هفصله على مقاسى ...
وفيه هسعد كل أهلى وناسى ...
ومش هكون للخير فيه ابدا ناسى ...
هحلم وهحلم ومش هيكون ممنوع ....
بقلــــــم: عــــــادل الشـــــــهـــابى