** عاشق الحرية ** // بقلم / ( م. محمد الجوجرى ) // مجلة ~ فيتارة القلم الذهبي

... عاشق الحرية  ... 

شعر ( م. محمد الجوجرى )

أنا للحريه عاشق ولهان
وبشمسها حلمان
وبتوبها دفيان
لما يغيب ضلها
أفضل أنا قلقان
أصل البديل حرمان
بالعتمه والضباب مليان
بانتظرها زى الحبيب سهران
ولعشقها شرقان
هى الأهل والخلان
بيها بقول كلمتى
من غيرها بكون غرقان
أصل هى نسمتى
وعدوها السجان
يدبحها لما تنور عتمته
وتفضح الكتمان
ولما يتاويها
سجنه يكون مليان
بالظلم والقهر يدفنها
لأنه بوجودها عريان
عمره ما يبقى صديقها
من غيرها يعيش فى أمانِ