** .. وحشتيني .. ** // بقلم / صفاء عبد ربه // مجلة ~ فيتارة القلم الذهبي

وحشتيني
*********
وحشتيني
وحشتيني ياأمي
وحشتيني
بشوفك كل يوم بمنامي
بشوفك في كل أحلامي
واقفه قدامي
بتتبسمي
ومن غير ماتتكلمي
عليا تسمي
وإيدك تَطَبطب
علي صدري تهَديني
علي كتفي تقويني
والتانيه علي جبيني
بالقرآن ترقيني
وتفضلي الليل
جنبي سهرانه
ما تغفلي عني وماتنامي
تصليلي وتدعليلي
ربي بحفظني . ينجيني
ومن شرور الناس يحميني
ومهما كان ألمك
عني تخبيه ماتخبريني
لحد الصبح تصحيني
وأنا خارجه تدعيلي
دعوه تقويني
تفتحلي البيبان السَادَه
تكفيني شر عين الناس
ودايماً أكون عاليه
ومايوم أنظلم وأنداس
وأخرج وإنتِ تستنيني
لحد ماأرجع وتشوفيني
تطمني
وفي حضنك تضميني
ومهما عني تداري
باأحس بخوفك وقلقك عليا
باأحس بألمك وإنت حاضنه إيديا
ونبع حنان من شهدك
يطمني علي الدنيا إللي أنا فيها
والوِحشَه عني كنتِ تخبيها
وحشتيني
وحشتيني ياأمي
يارحمه ليا في الدنيا
كنت لما الدنيا تضيق بيا
ألاقي في حضنك الحنيه
أرتمي بصدرك وأنام
لأحصد منه الحنان
ودفئ قلبك يحسسني الأمان
ياأمي
أنا حزين من يوم ما سبتيني
مش لاقي إيدك
في الليل تغطيبي
ومن البرد تحميني
ولما أمرض تداويني
وتدعي الرب يشفيني
وتقول شيل عنها يااااااارب
شيل عنها وأديني
دا هيا روحي ونور عيني
زخر عملي في الأخره
وأنا دلوقتي متاخده
لكون حقك ماوفيت
وساعتها ماينفع فيها ياريت
وحشتيني ياأمي
وحشتيني
صفاء عبد ربه