المغنواتي
مغنواتي وساعات ناياتي
قاعد ليلاتي عمال يهاتي
حمار حصاوي تملي غاوي
كده كل حبه يرفسلو رفسة
هاتولوا بيطري طبيب مداوي
يديله حقنة يوصفله وصفة
عمال ينهق نهيق يزهق
شكله ناوي أبدا مايصفى
سعد الصغير بعلو صوته
غناله غنوة ياحمار بحبك
ولأنه غاوي يغني الغناوي
بصوته هو ينجدنا ربك
كأنه راوي يحكي الحكاوي
قصة زناتي وأبو زيد زمانه
حمار مخاوي عفريت وحاوي
عايزنا نهتف سلام عشانه
ياحمار حصاوي ياللي إنت غاوي
تغني الغناوي مالناش ودان
ياحمار وراوي تحكى الحكاوي
عايزنا نهتف مالناش لسان
بقلم طارق السيد
ليست هناك تعليقات:
إرسال تعليق