** .. نفس الشعور .. ** // بقلم / حاتم صلاح // مجلة ~ فيتارة القلم الذهبي

نفس الشعور
***********
ومصاحبنى تانى الشعور
ارجع احس بحاجات
طنيتك يا قلب ارض بور
حسبتك هامد رفات
عزفت على اوتار حواس
شدنى كل شيئ جميل
من بين اى ناس
لمست احساس اصيل
ومصاحبنى تانى الشعور
اتارية بالقلب دفين
متمسكة لسة الجذور
وان رواها الانين
كانت كافية نظرة عابرة
تعود عالية لشوقى نبرة
تصرخ تعاتب كل حواسى
عن سنين قضيتها صابرة
كان كفاية من جراحى
حزن قلب وشجى روحى
كان كفاية من العتاب
مش كل حاجة رحت ماحى
مع الزمان ما نسيت
رغم الالم لكن وفيت
كل ساعة الف مرة
اندم انى ما ناديت
كتير تعابتنى الهواجس
داومت انكر انى حاسس
بنبض حب فى متاهة
ساكن الشريان ملامس
مراودنى نفس الشعور
زى اول مرة رائيتك
ترتعش بيدى الزهور
ترسم اوراقها حبيتك
بقلم / حاتم صلاح