موظفين...الى الطبقة اللى عرقها فوق جبينها لكن دايما مغلوبة على
------------أمرها
موظفين موظفين
عِيشتنا عِيشة الشحاتين
واحد فى الشهر نقبض
ونمد ايدنا يوم اتنين
مد ايدك بالشمال
مد ايدك باليمين
فينكوا يا ولاد الحلال
فين طريقكوا يا مُحسنين
غلابة يااحنا وتعبانين
فى الدنيا دايرين مطحونين
جيوبنا خالية منفضين
وع الوشوش شقا السنين
بنعيش حياتنا محرومين
ونموت نفوت الوِرث دين
ورغم كل اللى احنا فيه
على الوظيفة محسودين
صدقة مش هتقِل مالك
بس نظرة علينا بُص
يا اللى رب الكون عطالك
زادك الله بينا حِس
مد ايدك جوا جيبك
حِس حال المحتاجين
وان بخلت يبأه عِيبك
لينا رب اسمه الكريم
بقلم الشاعر/ صبرى أبوطالب..
ليست هناك تعليقات:
إرسال تعليق