** سألونى عن الدنيا ** // بقلم / عــــــادل الشــــــهــابى // مجلة ~ فيتارة القلم الذهبي

***** سألونى عن الدنيا ******
سألونى عن الدنيا قولت مجرد صندوق ....
كتير تتقزم وفى لحظه تروق .....
مُلك ومسيره سبحانه اللى فوق ...
فيها ناس مؤدبه وفيها قليل الزوق ...
واللى حٌبه تسالى واللى بيحب بشوق ...
فيها السارق وضحيته المسروق ...
علبه ومقفوله على اللى فيها ...
نتألم تظهر الفرحه فى عنيها ...
علينا مستقويه ومحدش قادر عليها ...
دنيا وفيها كمان العجب ...
زى اللى ساب رمضان وصام فى رجب ...
فيها ناس فالصوا وناس قلوبها من دهب ...
بلاش تتعب وتفكر فى أحوالها ...
ندم اللى فى قلبه رعاها وشالها ...
دى زى الأم اللى جاعت كلت عيالها ..
ده اتسعد اللى من حساباته يا ناس زالها ..
أصلها غروره وكتير جدا احمالها ....
بتيجى على المظلوم ودى هى أعمالها ...
قالوا الدنيا صندوق اتفرج يا سلام ...
ومحدش قال انها تحرمك من الاحلام ...
عوزاك تطاوعها وبدون أى كلام ...
واللى يرميها ورا ضهره بيكون دائما قدام ...
تحترمه وتديله تعظيم سلام ....
واللى يعشقها بيكون ليها من الخدام ....
لا يتهنى يوم ولا عينه تعرف تنام ...
كفايه عليكى كده يا دنيا يالا سلام ...
يا دنـــــــــــــيا يالا ســـــــــــــلام ...
بقلـــــم: عــــــادل الشــــــهــابى