** رسالة مكتوب فيها نقطتين وحرفين ** // بقلم الشاعر_احمد_صبرى_عبدالبارى // مجلة ~ فيتارة القلم الذهبي

رسالة مكتوب فيها نقطتين وحرفين
أو تلاته ما وصلوش كلمتين
بس كل همسة حبر فى الرسالة
بتقول بحبك وعاشقك
وحبى ليك لايمكن ينكسر استحالة
فتحت الرسالة
لقيت عينى للدمع سياله
قلبى كان بيقولى
هى دى اللى بتحبك
هى دى احسن انسانة
كنت نقول له خليك فى حالك
ومتكلمنيش غير لما نقلك تعال
بلا حب بلا كلام فاضى
أصل اللي يتلسع من الشربه
ينفخ في الزبادي
وانا في وادى
وقلبى باله مع الطير الشادى
وعلى طول عليه بينادى
وانا سامع وعامل نفسي مش سامع
مااعمل ايه يا ناس
ما أصل قبل كده حبيت بإخلاص
وحبى ليهم بالرجلين انداس
وجى دلوقتي ياقلبي تقولى حب وخلاص
دا حتى انا بشر وعندى إحساس
ولا نسيت قبل كده
لما كنت تقول لى دا سيد الناس
ما تتسرعش ياقلبي تانى
وهات الحاجة من الأساس
وإن كان على الرسالة والدمع السيالة
ما ممكن تكون مجرد سؤال
مش حب فوق الرأس ينشال
فرد الرسالة
انا قلبى تعب من كتر قول تعالى
فابعدو عنه خلية يعيش سلطان زمانه

 
‫‏بقلم_الشاعر_احمد_صبرى_عبدالبارى‬