كان كل منايا....بقلم الشاعرة عزة احمد ابوزيد .(( مجلة ~ فيتارة القلم الذهبى ))

 كان كل منايا

كان كل منايا ف يوم القاك

لا عمرى يوم غبت عنى

ولا عمر قلبى ف لحظه نساك

بحبك وحبك مش حروف

الحب اقوى من الظروف

بلاش تزرع جوايا خوف

كان نفسى جوة عنيك اشوف

شوقك جاى يحضن حنانى

الحب ان الاقيك جنبى

ناسى كل الناس علشانى

مش تقولى ظروف وبعد

وتخلف معايا كل وعد

بقيت فى عنيه اى حد

بعد ما كنت انت زمانى

ليه بعد كل حب

لازم يكون حد انانى

ليه تخطف منى قلب

وتسيبنى بجرحك اعانى

ليه ما حستش فيا

حب صادق ف المعانى

كان نفسى تكون لى فرحه

لاقيتك سبب احزانى

كان كل منايا

بقلمى عزة احمد ابوزيد