ناديتك
*****
نديت عليكى بنادى صوتى مش مسموع
يترجى فيكى فؤادى وتنادى دموع
حكمتى على بسهاد بعاد و سهر
كنتى على اقوى من اى قدر
ضيعتى كل الاحلام طفيتى شموع
معملتيش حتى حساب لندم ورجوع
مخطرش على بالك يوم سهرنا قمر
وضحكنا فى لليلة حب غرامنا سمر
لحظات شك وخلاص تنهى الموضوع
كل الحب والاخلاص بيهم موجوع
تتبدد اى وعود لقلب عمار
تهت بحيرتى لوحدى محتار
بس خلاص القلب اتعلم بزيادة خضوع
حروف اسمك من نبضاتة صداها ممنوع
وانتى كمان اكيد هتعانى الهجر مرار
يتحول ربيع ايامك تموت الازهار
نديت لا مش هنادى ولا صوتى مسموع
لو البعد عندك عادى كفاية دموع
بقلم / حاتم صلاح
ليست هناك تعليقات:
إرسال تعليق