مهما تبعد ومها تغيب
وترجع تاني الشوق بيزيد
و ﻻ بإيدنا وﻻ على كيفنا
نمنع روحنا من التعذيب
ومهما حكولك وﻻ قالولك
إني قوية ومش بهتم
وأنا بمجرد ماأسمع صوتك
مش بعرف على نفسي أتلم
ببقى ضعيفة وأعصابي خفيفة
وعلى طول حاضر واللي تشوفه
ومعاك ببدأ أشيل الهم
أعمل إيه منا حابة أرضيك
رغم عنادك وﻻ بعادك
قولت لنفسي حافظي عليه
مش سهل علينا نتخاصم
وﻻ ده وقت خصام ودﻻل
أحكي لنفسي الصبر جميل
حتى صحابي كمان سألوني
عن سر خضوعي وتبريري
رديت بشياكة وبتحضر
أعمل إيه وأزاي أتصرف
مانا أصلي ماصدقت أتعرف
على واحد يعرف يفهمني
يقدر يحكمني ويشكمني
ومنه ال ﻷ متتكررشي
وقراره زي الفرمان
نظرة منه بترعبني
حكمه تاعبني ومش بنكر
بس بحبه وهستحمل
تخليص حق لكل الناس
عملوني بصدق اﻹحساس
ورفضته بعنف وقسوة
حكمة قالوها أهل زمان
البطران سكته قطران
علشان كده صابرة وساكتة
بقلمي "فيفي صيام"
ليست هناك تعليقات:
إرسال تعليق