** عارفه ** // بقلم / محمود ابوالوفا // مجلة ~ فيتارة القلم الذهبي

عارفه
عارفه ان الكلام ليكي…. وعامله ان انت مش عارفه
وبتقري وتتعجبي اديكي… شايفك ..دا لو انت مش شايفه
وكتير جاني انا منك رد
يجيلي كأنه زي الرعد
ينزلني لسابع ارض
يقولي عليك دي مش خايفه
وانا علشان عشقك وبجد
ماكنتش بسمع لكلام حد
إن قالوا عليك مالكيش وعد
ولو كنت كمان حالفه
وعارفه ان الكلام ليك
وعامله ان انت مش عارفه
هتقولي انه كلام اشعار
لكنه احساس ومش بهزار
ولا فكره وياما افكار
لكن الفكره دي هادفه
بتقولك بكل اخلاص
عشتقك انت دون الناس
واديني قلتها وخلاص
بحبك وانت اهو شايفه
وعارفه ان الكلام ليك
وعامله ان انت مش عارفه

محمود ابوالوفا