** .. (( بحبك وانت عجبانى )) .. ** // بقلم شاعر_الوطن_/ آسر_فاروق_طرباي‬ // مجلة ~ فيتارة القلم الذهبى

#‏شاعر_الوطن_آسر_فاروق_طرباي‬
بحبك
بحبك وانت عجبانى
بحبك مش هقول تانى
يا نني العين من جوه
ماليش غيرك حبيب تاني
ياأم الدنيا يا عظيمة
ياراسمة الوش تبسيمة
وقادرة تعيشي وياها
لو حتي خايفة وحزينة
ياروح الروح يا حياتي
بحبك كل أوقاتي
وتعلي في السما دايما
ولا يهممك لأناتي
عشان خاطرك راح أتحمل
أداري ف روحي وأتجمل
ليا عنين باشوف بيهم
إن إنتي حملك الأتقل
أنا حابك ماليش أغراض
ولا ف نفسي كتير أمراض
ولاباسعي عشان منصب
مانيش طامع ف كوم أنقاض
بحبك حب من قلبي
لأنك أم تستاهلي
حضنتيني وشلتيني وصنتيني
يا أغلي عليا من أهلي