لا انا شاعر
======
بقلم الشاعر المصرى/احمد ابراهيم
====================
لاانا شاعر لكن
واحد من الملايين
بيكتب ليكى اوجاعه
بدمعة عين
تعبت فى توهت المشاوير
وتايه بين دروب وعدك
وفاض الكيل
ومستنى وفجرك خاب
سنين وسنين
كتبت بدمى اوجاعى
وراح حلمى فى غمضة عين
انا المخنوق وذاد المى
ونشف الحبر فى قلمى
ودبلت كل اوراقى
عرفتى انا مين
انا المشتاق لآحضانك
انا العطشان انا التايه
وانا التعبان
انا الضايع على دروبك
انا الشقيان
انا يا حببتى مش ناهش
فى لحمك يوم
ده انا الغلبان
ولو تبكى اكون مهموم
وافديكى بنن عيون
ولا تكونى فى يوم باكيه
ولا شاكيه
ده انا مطحون فى ميت ساقيه
فتات محسوب انا راضى
عشانك انتى بالمكتوب
ولا قولت فى يوم الاه
لكن حالك ومتشقلب
وتعلب فات بميت ملعوب
وانا الضايع وانا المغلوب
==============
بقلم الشاعر المصرى/احمد ابراهيم
ليست هناك تعليقات:
إرسال تعليق