انتي حره
ليكي حق الإختيار
عايزه ظابط
مش ممانع
عايزه عامل
عايزه صايع
بعد رأيي
إنتي حره ف القرار
تاخدي روحك للنهايه
مش موافق
يعني مايكونشي منافق
او عميل
او أناني أو بخيل
مش هتفرق
كان قصير او طويل
اللى يفرق بس عندي
انك انتي
تبقي راضيه
وانا راضي بالقليل
يعني اشوفك نور ف عيني
مش دموع هم وشتات
يعني اشوف الصبح فيكي
مش أشوفك حد مات
حاجه واحده مستحيله
انه يرضى بالرزيله
تسحره الدنيا الجميله
واحنا عيله
من عرب ام الرجال
انتي حره " ف الجمال "
ف الملابس
كان غني او كان فقير
دا اختيارك
صدقيني مش هتفرق
الا لو تارك صلاته
الا لو قاتل ولاده
الا لو جاهل بدينه
او عبيط غاوي الجدال
قلبي خايف موت عليكي
وانتي حره
رغم أنف الإحتلال
اطلبيني الصبح بدري هتلاقيني
مش هسيبك تبكي وحدك صدقيني
لو يموت الحب فيكي
وتقتليني
هتلاقني
روح شهيدك
جندي كان قد السؤال
حامي عرضك
والأمانه
اختيارك
دا أمانه
اما لو طبعه الخيانه
يبقى حده الإعتقال
وانتي حره
بس لازم
يبقى عادل
يبقى قاتل كل فكره تهدي لصراط الضلال
يحكمك بالحب
طاعه
مش بقانون الجماعه
يرتدي ثوب الكرامه
مش يبيعك لجل كرسي
او بمال
مش موافق
وانتي حره ف القرار
بعد رأيي
ليكي حق الإختيار
ليست هناك تعليقات:
إرسال تعليق