** - سطور على جدار الزمان - ** // بقلم الشاعر / محمد رمضان // مجلة ~ فيتارة القلم الذهبى

** - سطور على جدار الزمان - **

يا حبيبتي ....
مدي إيدك
للإدين الممدودين .
جوه قلبي ليك
بحر من الحنين .
صحي جوايه
الأماني ....
اللي ماتت
من سنين .
رجعي كل العيال
/ الطيبين /
اللي رغم حبهم ليكي
يا أمي كلهم
/ متغربين /
/متشردين / متفرقين /
جمعيهم جوه حضنك
وامسحي بإيدك يا أمي
من عنيهم أي دمعه للأنين .
متقوليش مالك
/ حزين /
إنتي عارفه كل حاجه
عن حياتي
وعن ولادك
/الحيارى/ المجروحين /
زي أي عيال يا أمي
ليكي إحنا / محتاجين /
محتاجين / ضمة إديكي /
محتاجين /نظرة عنيكي /
محتاجين صدرك يدفينا
يغطينا / الحنين /
/ الغربه /
جوه النفس صعبه
بقينا جوه البحر
/ لعبه /
الضلمه يا أمه لينا
/ رعبه /
الغيلان ماليه الشوارع
والحواري والغيطان .
كلنااا خايفين يا أمي
م / الغيلان /
والبحر مليان
/ بالحيتان /
مدي إيدك يلا لينا
حسيسينا بالأمان .
بعد م ف كل الأماني
عزينا و إنفض الصيوان .
معدش لينا إلا صدرك
اللي مليان بالحنان .
موتي كل / الغيلان /
إقتلي كل /الحيتان /
لجل يكبر حلمنا
والخير يرفرف
ع الحواري وع الغيطان .
والحب يجمع شملنا
والخير يخبط ع البيبان.
وبإيدينا يا حبيبتي
راح نسطر ....
أحلى قصة حب ليكي
وتنحفر قصة حنانك
في سطوور على جدار
الزمان .

بقلمي في 20 / 8 / 2012 الشاعر / محمد رمضان