** .. كان في الأصل .. ** // بقلم المبدع / محمد عبده // مجلة ~ فيتارة القلم الذهبى

بقلم / محمد عبده
////////////////////
فراشتي
.............................................................................................
كان في الأصل
"
"
أنا ما حبتكيش أنتي بس
أنا حبيت نفسي عشانك
كان قلبي رافض يحس
باي واحده تانية غيرك
حسيت معاكي إني أنسان
وأن لية وجود وكيان
وشايف الدنيا من غيرك ظلمة
معاكي عشتها بكل الألوان
كان في الأصل غروري سببة أنتي
وأزاي ما أبقاش مغرور
واللي معايا حبيبتي
كان كاس الجراح بيدور
وشهد من إيدك أنتي
كانت الدنيا نور
وبقت ضلمة من يوم ما غبتي
أنا مديت ليكي إيدي
بس مش أنتي اللي سبتي
كل حاجه فيا تغيرت
واللي ساكنة جوايا أنتي
غايبة ولسة ليكي مكان
أصل المكان دة جنب نبضي
هيفضل زي ما هو محجوز
مهما بعدتي مهما روحتي
أنا عايز بس أطمن عليكي
وعايز بردو أطمن بيكي
ولو عليا أنا بخير
بس خيري هو حبي ليكي
عن ساعات م الخناق
وعن ساعات م الخصام
والزعيق وعدم الأتفاق
وبعد البعاد بقول ياريت القرب دام
لا أنتي معايا ولا عارف أنساكي
وعايشة جوايا وقلبي جواكي
والبعد نهاية والجرح اللي باكي
والدمع في العيون قد المطرة ف سماكي
ولو الجنة في بعادك هسيب الجنة وأشوف رؤياكي
ولو النار في وجودك هختار النار وأعيش دنياكي
كل حاجة ممكن تهون في الدنيا اللاكي
بس الفراق مصير ومش هموت يعني وأنا مش وياكي
كان في الأصل حلم وكنتي في الحلم ملاكي
https://youtu.be/QeqEtooRhWc
////////// المشهد الرابع //////////