الموت قدر......بقلــــــم: عـــــــادل الشــــــــهـــابى.....

** الموت قدر ******
قالوا الموت قدر قولت الفراق صعب ...
كله ألم ووجع وحاجه تحرق القلب ...
عارفين أنه قدر أيوه ومكتوب ....
لكنه حزن بيعشش جوه القلوب ...
قالوا الموت يا ناس مش بأدينا ....
ده أجل ومكتوب كمان علينا ....
قولت منه كمان بتدمع عنينا ...
أخويا .. أمى .. أبويا فى لحظه كانوا معانا ..
أخدهم الموت وماتت الفرحه جوانا ...
أمبارح كنا نكلمهم واليوم نفتكرهم بس بدوعانا ...
ندعلهم بالجنه ينعموا بس حاجه جوانا تعبانا ...
آآه يا دمعه فراق خارجه ومألمانا ....
آآآآآه يا دمعه حزن من العين وجعانا ...
فين الصديق اللى كنت أقعد وأحكيلوا ...
فى همه اواسيه وفى فرحه أغنيله ...
راح فين يا ناس جارى ...
رحل عنى وسابنى لحالى ...
رحل وأنا آدت نارى ...
بفتكر أنا أيام زمان ...
لما كنا بنجرى ونلف كل المكان ...
لكن الموت فرق بين الأهل والخلان ..
ده قدر وممنوش هروب ...
وعد وعلينا أكيد مكتوب ...
بقول آه وجع ومش اعتراض ...
له الدوام وحده رب العباد ...
بس بقول آه على فراق الأحبه ...
اللى الموت نادلهم وكل واحد منهم له لبى ..
أصله حقيقه ومحدش منه يقدر يستخبى ..
أول حقيقه الكل مايحبهاش ...
والحبيب لحبيبه أبدا ما يتمنهاش ...
بقلــــــم: عـــــــادل الشــــــــهـــابى