** على فين يا دنيا ** // بقلم / عــــــادل الشــــــهــابى // مجلة ~ فيتارة القلم الذهبي

******* على فين يا دنيا *******
يا دنيا وخدانى موديانى على فين ....
على فرح ولا على ألم وأنين ....
مكتوب هكون سعيد ولا هفضل يا دنيا حزين ...
مكتوب انى هحب ولا مش محسوب من العاشقين ...
قلبى سايبنى وراح على فين ...
قالى مليت من الاسى وحرمانى طول السنين ...
نسيت الحب حتى راح منى الحنين ...
يا دنيا كفايه مبقاش دموع جوه العين ...
يا دنيا أنا موجود ولا مش محسوب من الموجودين ...
نفسى أحس بالامان والحب اتمتع بيهم هما الأتنين ..
والناس يا دنيا ييجوا لنا مهنيين ...
يا دنيا قولى طريق الحب امشيله منين ...
قوليلى فين السكه ومش هكون من التايهين ...
تعالى يا دنيا عاوز أقولك كلمتين ...
بلاش تأسى عليا وخلينى من الموعودين ...
واللى يسالك قوليله ده كان طول عمره حزين ...
كفايه عليه حرمان كفايه عليه شجن وأنين ...
تأمرينى واطاوعك ومكنتش من الرافدين ...
كنت ماشى تحت امرك وقالوا عليا مسكين ..
تقوليلى يمين يمين شمال شمال وكنت من الصابرين ..
عمرى ما خلفتك يوم على امل تبصيلى مره بالعين ..
قولى زعلانه منى ليه وأنا أصلحك بالرايحين ...
قوليلى بس يا دنيا وخدانى وراحه على فين ...
على فرح ولا على ألم وأنين ....
بقلــــــم: عــــــادل الشــــــهــابى