مجلة ~ قيثارة القلم الذهبى ~

حدوتة في لون الجمال/ بقلم..الشاعرة القديرة/فريدة متوكل...المحررةياسمينةالكاشف /تحياتي.

حدوته فى لون الجمال
على شكل واحده زيها زى البنات...
بس زايده حبتين ف البراءه ....وابتسامه ف الشفايف مهما شافت ماللى فات.....
سألوها يا زينة الصبايا...
ليه كلنا...غاويين نشوفك ف الصباح...والعصارى...
وقبل ماننام بتكونى فكره ف الدماغ زى الوتد....ناويه الثبات....
شيئ غريب....
زمن العجايب انتى فيه يعنى عجيبه....تتسجلى ف المعجزات؟!!....
ردت وقالت قولوا يا مكتر كلام الألسنه....
أنا عايشه فى عصر العجايب بالكلام ...والتهتهه...وحتى السكات.....
أنا رافضه أخرج من ظروف القوقعه..عشان أدبكم ضاع ومات.........
بسمع كتير للعقل وافهم....ماعندى وقت للشتات....
أنا منى ياما متكررين....إنتوا اللى بس مركزين....
وبتوجدولى مبررات......
مره تقولوا شمس العصارى...ومره أكون قمر الليالى...وساعه فجر للبدايات.....
وبعدهالكوا...فوقوا من شوفة جدالكوا....
وغيروا نظرة عنيكم ...لسه فى ف الكون حاجات....
الفكره مش مين اللى حلوه...أو مين شاغلها...ومين ف بالها بالساعات....
الفكره ليه منكونش عين شايفه المعانى والامانى والسعاده والاحتياط.....
ليه نشوف بس الغزل ..ونعيش على كان أو حصل...ونتلهى ف حاجه تغيظ ملهاش نفع ...هتجيب بلاوى وسيئات.....
جوه العيون فى ألف صوره بجد حلوه....على شكل سجادة صلاه..
أو ضحكه فى زمن الطفوله...أو دعوه من أم بمحبة قلبها...أو قرش جى من حلال بعد التعب والشقى وعداد آهات......
إحسبوها صح مره....وركزوا ف القلب مره والعقل مره والحياه بكل اللغات.....
إحسبوها صح مره...وارفعوا راية التخللى عن زمان المعجزات.....
الزمانده معجزاته بقت بإيدكم...مش بلون الشعر ولا كحل العيون ولا الوجاهه ولا جريكم ورى مين وليه وخد وهات....
الزمانده لو شاف براءه مننا...كلنا نعيش الأمان....بربيعه زى ماكان زمان...من غير قلق....من غير تعب...من غير شكاوى أو عياط...
هنبقى إيد واحده...بتسعى...
هنبقى عين واحده ...بترعى....
هنبقى لمه ونتحد وننسى ليه كان إغترابنا....وكان فراقنا ...ونبنى جسر الارتباط......
كلماتى/إيمان مبارك أبو الحسن
الشهيره ب/فريده متوكل