مجلة ~ قيثارة القلم الذهبى ~

إلى روح أمي الغالية/ بقلم..الشاعر القدير/ أحمد عبد الحميد...المحررةياسمينةالكاشف/تحياتي.

الي روح امي الغالية
*****
خمسين سنه
خمسبن سنه ياما
عايش انا ف ضلمه
محروم من الضمه
والدفء واللمه
خمسين سنه ياما
عايش انا اعمي
عايش انا ف عتمه
ما حد يرعاني
بالحب والرحمه
ضايع ووحداني
في الدنيا والزحمه
وانتي اللي سيباني
مشموله بالرحمه
خمسين سنه واكتر
في الدنيا متكدر
عايش بلا امي
محروم من المصدر
فاكر يا دوب شكلك
في حجابك الاخضر
موتك قسم ضهري
شيبني في المصغر
اربع سنين عمري
مش قادر اتذكر
لكني فيه ريحه
للمسك والعنبر
هيا اللي بقيالي
يا حبة المرمر
وصلالي م العالي
م الجنه والكوثر
 دايمآ علي بالي
سكناني في الجوهر
*******
كلمات احمد عبد الحميد شاعر السويس
جامعة السويس : مصر