مجلة ~ قيثارة القلم الذهبى ~

قصيدة/ قلبي تاب...الشاعر/ سامح المنواتي ..المحررة ياسمينةالكاشف /.

(قلبى تاب)
إنتى طلبتى تبعدى
وانا قبلت
كنتى بالغدر تسبقى
وانا استحملت
مش هرجعلك تانى
أنا خلاص
خلاص تعبت
_______________
ياللى كنتى حبيبتى
دلوقتي بس فهمتى
حنيتى تانى لطيبتى
ونسيتى انك غدرتى
_______________
صعب الفراق و الألم
منفعش معايا الندم
صعبان عليا العشره
بدلتى ذهبي بقشره
______________
ياللى كنتى حبيبتى
دلوقتي بس فهمتى
حنيتى تانى لطيبتى
و نسيتى انك غدرتى
_______________
حبك جوايا عذاب
ينكتبله الف كتاب
عارفه ايه الأسباب
الغدر ما بيتنسيش
ولا يخلص أبدا بعتاب
_______________
ياللى كنتى حبيبتى
دلوقتي بس فهمتى
حنيتى تانى حبيبتى
و نسيتى انك غدرتى
________________
قولى كنا أصحاب
فى غدر بين الأحباب
قفلت وراكى الباب
لان قلبى تاب
_________________
                             الشاعر / سامح المنواتى