مجلة ~ قيثارة القلم الذهبى ~

قصيدة/ الحلوة ماشية...الشاعر القدير/ جابر خلف الله ابراهيم...المحررة ياسمينة الكاشف/ تحياتي.

الحلوه ماشيه
========
الحلوه ماشيه بتتمختر
بخطوتها قدامى وتتدلع
النظره منها تحير
العقل والقلب يولع
أه يانارى أه يانارى أه يانارى
عليها وعلى جمالها
م شفت حد مثالها
رماها الهوى ف سكتى
خطفت منى ضحكتى
سابتنى وراحت
خدت روحى وتاهت
تهت معاها
ف بحر الخيال
كلها حسن ودلال
جريت وراها
لسؤالى معاها
ياصاحب الهوى هدى
صباحك ورد مندى
ليه تفوتنى وتعدى
خلينى أتملى
ف جمال عينيك وأتهنى
أستنى شويه
أسمع وأشوف
جمال ضحكتك
وخفة دمك ورقتك
أمانه عليك تانى
لما تعدى
تبقى تهدى
بعينك سلم
ولاتتكلم
=============
قلمى
جابر خلف الله ابراهيم