مجلة ~ قيثارة القلم الذهبى ~

قصيدة/ دنيا الاحلام...الشاعر/ عبدالمنعم عدلي...المحررة ياسمينةالكاشف/ تحياتي.
دنيا الأحلام
عبدالمنعم عدلى،،مصر
دنيا الأحلام
وحلوة فيها الأيام
بتخدنا فى المنام
وتورينا الأحلام
وكل يوم نعيش الحلم
ومن حلم لحلم
تشرق شمس الأوهام
ونكبر وتكتر الألام
وترجع الدنيا من تانى
 وتضيع الأحلام
وسط الزحام
بعد مادفنوا الحلم
فى دنيا الأوهام
دنيا
وياريت ماكان
فيها أحلام
نعيش فيها الوش الحلو
وإحنا صغار
ولما نكبر
تتوهنا فى وسط الزحام
ليه يادنيا بتتلونى
وكأنك حرباء الزمان
بتأخذينا للعنان وبعدها
ترمينا فى جب الظلام
لو بأيدنيا ماخلقنا
فى دنيا بلا عنوان
وتدور بينا الأيام
فى دنيا الأحلام
ونعيش ونعيش
وللتراب أحضان
بقلمى عبدالمنعم عدلى