مجلة ~ قيثارة القلم الذهبى ~

قصيدة/ شغل سواقين. ..الشاعر القدير/ محمود صلاح السيد...المحررة ياسمينةالكاشف / تحياتي.

((( شغل سواقين )))
ربط الفوطه وشغل التسجيل
وعمال يقلب جديد وقديم
بيغنى ويرقص ويقول مواويل
جاب للناس صداع
والعقل منه ضاع
ياأسطى أحنا ناقصين
قال نعنش نفسك يازميل
متعبتش من الكلام
أسكت وقول سلام
متقصر فى الكلام
أوقول كلام موزون
واضح معناه مفهوم
متبصش للهدوم
مش بالمنظر يافهيم
الكلام بيكون كبير
لوطالع من مجنون
شارد ودماغه مشغول
أحترم عقل الزبون
خلى الكلام مفيد
من محكم التنزيل
وعشان أكون صريح
حرص من الطريق
وبلاش للناس تسيئ
الكلمه الحلوه  تساوى
وبتتوزن بالغالى
ربك يزيح ويداوى
فيه واحد غلاباوى
ظنان وغاوى غناوى
قاعد ماسك منديل
فاكر  نفسه  سفير
الناس مش ناقصين
بينى وبينك ياتقيل
رب أسمه الكريم
لا أنت معاك توكيل
ولا وصى على البنى آدمين
أفهم ياأبومخ طخين
متلتش فى العجين
وتكب علي النار بنزين
الناس مش ناقصين
تكرههم فى الدين
وأنزل خليك رزين
وبطل تاخد صرير
الشده فى العموم مرفوضه
ومش مقبول نصدق كلام مسطول
بتنقص المحبه
والقلب يكون مشحون
بنى آدم وكله ذنوب
وربك غفور ودود
كلمات /محمودصلاح السيد
20/11/2017