رُباعيّات
،،،،،،،،،،،،،،
أبو بكر
،،،،،،،،،،،
أبو بكر صِدّيق وكان
أجمل صَديِق فى الكون
أفضَل صُحاب النّبي
شُجاع كريم وحنُون
مِن عَند آدم لِغايِة
لَمّا القِيامة تقوم
ما تلاقى زَيُّه
دا أنفس م اللّؤلُؤ المكنون
عُمَر
،،،،،،،،،
هل فيه ياناس عبقري
زيّ ابن الخطّاب
دعالُه سيدنا النّبي
يِصبَح من الأصحاب
أعَزّ بُه الإسلام
رغم انّه كان واحد
لكنّه واحد بأُمّه
و احنا أَمّه سراب
عُثمان
،،،،،،،،،،،
وفِيه كمان الحَيِي
صاحِب النّبى عُثمان
ناسِب النّبى مَرّتين
وهُوّ ذا النّوران
وكَم تَبَرّع بمالُه
في سبيل الله
قام النّبى بَشّرُه
بِسُكنَى أَعلى الجِنان
عَلِي
،،،،،،،،،،
يا سلام عليك يا عَلِي
يا أعلم العُلَماء
وكان مثال فى الشّجاعة
وأنجَب النُّجَبَاء
سِتّ النّساء زَوجتُه
وأَبو الحَسَن والحُسين
قالُّه النّبي فى حَيَاتُه
إنت م السُّهَدَاء
جمعة عبدالجواد
ليست هناك تعليقات:
إرسال تعليق