( قلبي شاريك )
أول مرة شوفتك فيها
قلبى طار وهفهف حواليك
وأما عيونك جات في عيوني
أشتقت في ثواني ليك
ياللي جمالك شغلي بالي
يامدوبني بنظرات عينيك
نفسي أطير في السما
وأخطف نجمة وأرفرف أجيك
وأكتب مواويل وأغنيلك
وما يحلى السهر غير بيك
وأشيلك جوا نن العين
وبجفوني يا حبيبي أغطيك
وأفرش لك في القلب محبة
وعن عيون الناس أداريك
وأزرعلك بستان أزهار
وأقطف لك منه وأهديك
وأنحت في الصخر الصوان
تمثالاً يتجسد فيك
وأضمك يا حبيبي في صدري
وفي ليل الشتا أدفيك
وأعملك من دمي أنهار
ومن حبي وحناني أرويك
يابدر طالع فى العالي
والله أنا قلبي شاريك
دا الحياة وياك تحلالي
ولا هقبل غيرك شريك
ما هو أنت حبيبي الغالي
وأتمني لو عمري يكفيك
أنا قلبي صبح أسيرك
وهعيش لمين غير ليك
بتمنى أعيش دنيتي معاك
ومن غدر البشر أحميك
وتحلو أيامي وسنيني
ياللي عمري إبتدا بيك
=======================
بقلم/ مبروك علوه
ليست هناك تعليقات:
إرسال تعليق