شيطان رجيم
-----------------
للشاعر / محمد عبد الفضيل
--------------------------
مش أجنبي
ولا جاي يبيع الميه يوم للعطشانين .......
دا شيطان رجيم
اللي في حضنك يترمي
لما تبوسيه يرميكي في قاع الجحيم
ولا كان نبي
قبل الرسل . او بعدهم
بشر بهديه عذاب أليم
ولا كان غريم
ولا كان نديم
ولا كان أخوهم وإبنهم
هي النخاسه يوم تولد كريم .
فأترحمي
ع المجروحين المتهانين ...........
وإياكي مرة تقربي
للغدارين الطماعين
اللي يلموا ف حجرهم
حفر التعالب والإفاعي الملعونين .........
وإوعاكي يوم تد حلبي
ترمي بذورك جوا طين ...........
أردب قمحك أجنبي
منخول ف طمية مغربي
نسوان بلدنا غربلوه
ودعكوا بيه كده وشهم
جم يطحنوه
كشر لهم
وفضح بطينه غشهم
يا خسارة وإتحرق العجين .........
مش غلطانين
لما نكسر ف الضلوع
صوت الادان
جرس الكنيسه
وبوح يسوع
سيدنا المسيح قاد الشموع
فأتسيحت كل خطايا الغلبانين .......
شعانين تروح
محروقه ف سعف القدوح
يا نخيل ف تمرك ميت سماح
ليه ترمي ناسك بالسفاح
رطلين . كرامه . والنبي
متصدقيش الأجنبي
أصله غريب . مالوه .. وطن
فتمدليوش . أرض وسكن
حافظي علي دير . الملاك
لتشوفي من بعده الهلاك
عيسي . نبي
موسي . نبي
ومحمد الهادي الأمين
ومحمد الهادي الأمين
--------------------------------------- محمد عبد الفضيل --------------------
ليست هناك تعليقات:
إرسال تعليق