(((توب الرجـــــواله))) // بقلم / محمودصلاح السيد // مجلة ~ فيتارة القلم الذهبي

(((توب الرجواله)))
رجاله نص كوم
وأحوالهم تغم
توب الرجواله ماله
مابقاش موضه فى زمانه
مقاسه زى حاله
دايب والرقعه باينه
ومفيش حاجه تسر
رجواله وضاعت معالمها
والناس واقفه تبصلها
وعيوان حزينه بتحنلها
كله بقى نص لبه
حتى فى شرع الأحبه
الأوجاع والضنا
وراحة البال والهنا
والموده والصفا
كل شئ بنا أختفى
كل يوم نطفى شمعه
والناس كلها شاهده وسمعه
والبيوت العمرانه
تصبح فاضيه وخربانه
مابقاش فيه جدعنه
ماتت فينا النخوه والمرجله
كله حب المريسه
وشغل الجنان والفسفسه
وأتقطع حبل الوداد
وكتر الوحش فى السوق وزاد
وعشيتنا بقيت مسخره
خلى بالك فيه ميعاد
وأهى فتره ومرحله
وبكره هيكون الحساب
باالقلم والمسطره
كلمات/محمودصلاح السيد