مجلة ~ قيثارة القلم الذهبى ~

تعبت يا دنيا/بقلم..الشاعرالقدير/ عاطف بيومي محمد...المحررةياسمينةالكاشف/تحياتي.

تعبت يا دنيا
كلمات ../عاطف بيومى محمد

تعبت من حكمك القاسي
يا دنيا هينفجر راسي
مش هفضل كتير انا راضي
وقول مكتوب ...

البحر بيهج منه موجه
الشجر بيرفض طيوره
وانا والشعر وجروحه
ما بنا حروب ....

بالعواقب انا مستحمل
وايام الذل عماله تطول
والسعادة فيكي بتتحول
ساعه الغروب ...

انا انسان جدا عادى
بحب الطيب والهادى
عمرى ماكنت انا بعادى
ولا فيا عيوب ...

سنين طويلة انا بحلم
انك تكوني صريحه
كنت بسكت ولا اتكلم
لانى خايف من النهاية
وجه الوقت انى اقول
تعبت منك ومن ناسك
اللى ملينا ذنوب ...

هقفل على كل ذكرياتي
وهشطب احلامك من كراسي
وها عالج حكمك القاضي
بأنى اتوب ...؟