مجلة ~ قيثارة القلم الذهبى ~

عالي الطموح/ بقلم..الشاعرةالقديرة/ فريدةتوكل...المحررةياسمينةالكاشف /تحياتي.

عالي الطموح...
فارس جموح.....
بيعدى جوه الروح بروح....
ولفين يروح....
❤❤❤❤
شد الحزام عالبطن متأثر...
والكل دارى وشايفه متكسر....
وهو بس على حاله متحسر.....
بس الحياه جواه اكيد اكبر.....
❤❤❤❤❤
صلى الصلاه ودعا الدعاء...
وارتاح رضا وقال شبعت وباكتفاء.....
وعمل بحلمه مركبه بلون الرجاء.....
❤❤❤❤
وشق بحر الهم شق...
وزق موج الفقر زق....
مجدافه حن لكف إيده وحس بيه...وعشانه رق....
مجداف خشب لكنه أهون من بشر زى الورق....
بيطيروا لما بيوعدوا وبيخلفوا حروف السطور وعهد بالوعد اتخلق......
❤❤❤❤
إنسان ماخاف.....
أبدا ماخاف.....
كان مبدأه روحى وطريقى نضاف...
وشد حيله وعرق من هدة المجداف.....
وصل برغم الهم ....
آه تعبان...
لكنه من جواه فرح ..حس بأمان....
ندهوا عليه...انت يا مسكين..
رد يا غلبان....
وصلت قول إزاى...مش كنت فقرى زمان؟!!!...
❤❤❤❤❤
سيبناك هناك بتموت...بتحضر الأكفان......
كفن لروح همتك...وكفن لحلم اتهان....
قولنا تبيع ذمتك...والمال  هواه سلطان....
رفضت ليه حضرتك....هو انت مش فقران؟؟؟....
❤❤❤❤❤
سيبناك هناك تتحسر....على عمرك البهتان....
مش كل يوم شعارات وتقول انا الانسان....
هوه انت مش مننا...الفقرى له إحسان....
عملت ليه عفيف....كلمتنا من فوق....وكأن لك كيان.....
كان لازم يوم تتطاطى...وتسلم للأعيان....
❤❤❤❤❤
مادام وصلت...أكيد تطيت...
مبروك ياعم هتبنى مجد..واحلى بيت....
هتعيش ف عز.....
ومش بعيد تبقى ملك لك صولجان....
❤❤❤❤❤
شد نفسه وقاملهم وصرخ وقال...
ياكوم بشر ف المفرمه أنا جيت هنا ضد المحال...
أنا اللى كان نسبة وصولى عندكم شبه إحتمال....
أنا جيت هنا بلون كفاحى كان حلمى أوصل بالحلال....
ووصلت غصب عنكم بعرق جبينى وهمتى مفيش جدال...
أما انتوا فوضى ف الطريق...رعاع وطالبين الكمال...
مش فاضى اضيع وقتى بيكم...وارد حتى على السؤال...
❤❤❤❤❤❤
كلماتى/إيمان مبارك أبو الحسن
الشهيره ب/فريده متوكل