مجلة ~ قيثارة القلم الذهبى ~

قصيدة/ احيانا ...الشاعر/ مصطفى رزق...المحررة ياسمينةالكاشف/ تحياتي.

 يكون حيانا يكون شخص بعيد عنك ---------------------- لكنه رفيق لك فى الطريق
واحيانا تبعدكم عن بعض اميال------------------------- لكنك تجده وقت الضيق
واحيانا يمدك بالنفس ---------------------------------- لما نفسك عليك بيضيق
وتجده يمد يديه اليك ينقذك----------------------------- لو وقعت فى بئر عميق
وموش مهم يكون الشخص اخ ------------------ وموش مهم يكون لك شقيق
ممكن يكون لك شخص عادى -------------- وممكن الشخص ده يكون صديق
لذلك اوعى تحكم على شخص بالظن---------- الا لما تختبره وانت فى ضيق
لان ممكن تكون عطشان --------- ----- وتلاقى شخص عادى يبل ليك الريق
واحيانا يكون الشقيق ----------------------------- بدون فايده زى طائر البطريق
يعجبك منظره لكنه ديكور فقط---------------------------- وريحته ملهاش رحيق
وتيجى تقرب منه وتقصده ---------------------------------- تلاقيه هرب بالزعيق
لكن موش كل الاخوه وحشيين ----------------------- تلاقى منهم لك شريك
ويشاركك فى لقمته------------------------------------------ حتى لو كانت فريك
ولو الصديق اتخلى عنك ------------------------------------ اوعى تعامله بضيق
خليك انت اجدع منه -------------------------------------- وعامله معاملة اخيك
لو كان هيطلع فالصو-----------------------------------------خليك ذهب لك بريق
لو النار مسكت فى بيته ------------------------------- روح عنده طفى الحريق
هطفى الحريق من بيته ------------------------------------هيتعظ وممكن يفيق
ولو موش هيرجع لعقله ----------------------------- هتشعلل فى قلبه الحريق

يلى انت صاحب صاحبك------------------------------------ خليك لصاحبك فريق
لو كلت خبزه فى بيتك--------------------------------- ارسله شوال من الدقيق
وان شربت مياه فى يوم----------------------------------ارسله زير موش ابريق
وان مكنتش تملك شيىء--------------------------------- البسمه تكفى وتليق