........................... ياريس كلمتين وبس..!! ٠٠٠٠٠٠٠٠٠٠٠
كلمتين وبس أقولهملك ياريس
الحقيقه مش واصلالك كويس
المنعمين حواليك مش دارينين
بالغلابه اللي عايشين فطيس
اللي عاشوا محرومين سنيين
اللي داقوا المر شرب وغموس
اللي طول عمرهم مهمشيين
أرجوك يا ريس تبص حواليك
لان كل حاجه محسوبه عليك
متصدقش إعلام الطبل والزمر
اللي فجرووا وبيتاجروا بمصر
حضرتك تعرف حاجات معرفهاش
بس عايز أقول الواقع هو الأساس
هو رمانة ميزان الحاكم العادل
اللي إحساسه وضميره متكامل
إللي قبل ما ياخد قراره يفكر
ويراجع نفسه مرات قبل ما يقرر
انا عارف إن مصر غاليه عليك
وشعبها بارضوا أمانه في إيديك
اخر كلمتين بقولهملك بصراحه
عشان تنام مرتاح مغمض عينيك
إنزل للغلابه في كل خن وساحه
وشوف حياتهم تساوي إيه ليك
أكيد يا ريس القاع ح يأثر فيك
لما تشم ريحة الزباله والفنيك
ح تعرف الفرق بين البني أدمين
اللي عايشين في ريحة معالييك
واللي عاشوا وماتوا في الطين
.......................................................
............ الشاعر حسن الشوان .................
ليست هناك تعليقات:
إرسال تعليق