مجلة ~ قيثارة القلم الذهبى ~

قصيدة/ مطر كتير ينزل...الشاعر/ محمد بكر...المحررة ياسمينةالكاشف /تحياتي.
مطر بينزل علي كتاف معطفه
سارح في ذاته وماشي في الشارع وحيد
بيلاعب الطوبه اللي عاوزه تسبقه
فاكر في نفس الشارع ذكريات العيد
احلام امل ..
ضمتين دافيين وغنوه مجرمه
كل ده كان ليه
مابقتش موجوده يضلل خدها بشمسيته
راحت تدور ع القمر ايه قصته
او ليه وحيد
البرد بيحول قلوبنا لكون جليد
يتجمد الدم في عروقه مطرحه
مافضلش رغبه حتي انه يزحزحه
ولا حتي يصرخ
او ينادي اسمها
يلمح شعاع الضي والضوء في النفق
اخر شفق ..
اخر اغاني وسط حلقات ذكرها
اخر ماقالت وهو لسه ملكها
خليك بخير
خليك عشان تقدر كمان
تاني تطير
كسرت جناحه ولسه عايزاه
للغنا ..والدندنه
يفضل امير
طب ايه هايفضل في الصلاه بعد العشا
بعد اخر ركعه ما يصحش سجود
بعد شهقه موته مش ممكن يعود
#جزء_من_نص_بعد_الرحيل