** (( من انا )) ** /// بقلم الشاعر / عبدالله العراقى /// مجلة ~ فيتارة القلم الذهبي

من انا
سألونى من كام سنه
من انا
انا اللى دهرى اتحنى
وبين ترابك طرح زراعى انا
من انا
انا ع حدودك حارس
انا اللى ف طينك غارس
انا اللى بهمك حايس
انا الحارس
انا الصانع
انا الزارع
انا ايوب
ياللى من حبك ما قادر يتوب
و من كام سنه عدوا عليا النفس
تركوا ليا السواد
وعاشوا زوات
انا اللى تركوه سنين العجاف
انا اللى شال همك وقت العذاب
انا اللى اتحنى دهره م سف التراب
ولسه بيسألوا من انا
انا ابن بطنك
انا اللى حمى عرضك
وقت الضباب
انا رافع عن كل العذاب
انا ابن بطنك
وابن بطنك انا
انا داهرك م غدارك
فهل يعلمون من انا
انا مصر
ومصر انا
عبدالله العراقى