** .. حلاوة روح .. ** /// بقلم / محمد سالم /// مجلة ~ فيتارة القلم الذهبي

حلاوة روح
******************
أنا اللى زمانى علمنى أكون مجروح
يزيد الحزن وكتاب العذاب مفتوح
مابين صفحاته عنوان السراب مشروح

أنا اللى بكيت وأحلامى بسرى تبوح
مابين الحلم والتانى كيان مدبوح
يفوت العُمر ويعدى ألم وجروح
مابين الأسوة والحرمان صبح فيا العدم مفضوح
بعيش محتار مع الأحزان ولا ممنوع ولا مسموح
بيجرى الدم فى عروقى وأنا عايش حلاوة روح
محمد سالم