سبحان الله
،،،،،،،،،،،،،،،،،،،
وفاة وفقد وتأثُّر
وحُزن ع المرحوم
وفرح وبهجة وسرور
وسَهَر وليل ونجوم
الاتنين فى نفس المكان
بين دى ودى كام يوم
مكاتيب بتِجرِى وكُله
عند العليم مَعلُوم
آدى الحياة يومين
يوم فَرْح يوم للهموم
لا يوم تدوم الهموم
ولا يوم فَرَح بيْدوم
فيه يوم ربيع وشروق
ويوم كدر وغيوم
أرحام بتدفع ويقظة
وقبور بتبلع ونُوم
والكُل زايل ما يِبقى
لا سعيد ولا مَكلُوم
والمُلك لك يا مَلِك
يا حَيّ يا قَيّوم
جمعة عبدالجواد
ليست هناك تعليقات:
إرسال تعليق