نصيحة بالعامية الشامية
.....................................
رح كون معك صريحة
ورح قدملك نصيحة
لما بتقعد بين الناس
خلي القعدة مريحة
وخلي الجلسة ودية
ولاتعمل عنجهية
وتورجي سرك للناس
العالم مانا غبية
.................
وأوعك تتأمر عالغير
أو تعملي فوقية
وتتأنزع عالناس كتير
وتصدر طاقة سلبية
خلي كلامك معقول
وخلي عندك روية
وتحلى بالصبر كتير
وأوعى تزغزغ النية
..............
ولا تحكي عالناس كتير
تقلي هية صراحة
وتعكر مزاج الغير
هية إسما وقاحة
لكبير بأخلاقو كبير
وبالطيبة والسماحة
بيكفي شرو لكل الناس
وبيخليها مرتاحة
................
العالم مانا عبيدك
ولا مربوطة بقيدك
تاخدها شمال ويمين
وتحركها بإيدك
العالم كلا إخوانك
حتى تحبك وتريدك
لازم تبقى مصدر خير
وهادا لوحدو البيفيدك
..............................................
ملك محمود الأصفر
ليست هناك تعليقات:
إرسال تعليق