** أطفال الشـــــــــوارع ** // بقلم الشاعر مصطفى عبد المنعم // مجلة ~ فيتارة القلم الذهبي

أطفال الشـــــــــوارع
*******************
اطفال ف عمر الزهور
عايشين فى احضان الشوارع
مشردين ......
الناس شافوهم مجرمين
لكنهم مظلومين ..ومحرومين
احنا اللى بأيدينا ..
كتبنا عليهم الضياع
ونسينا انهم ....
اطفال ولسه صغيريين
ونسينا انهم ....
وم البدايه
دول محتاجين رعايه
زى العيدان الخضرا
لازم تكبر وتفرع
وهى فى حضن الطين
الاب كان فاكر
اللقمه هى مهنته
ودى حجته .....
نسى وهمل اسرته
وتاه مع الافكار
وضاع ف بيته القرار
ومعاه ضاع الحوار
وولاده لسه صغار
عايش ف ضلمته
وولاده شمعته ودى بدايه المشوار
والام تاهت عن عيالها
حطت همها فى المال
مش عارفه ان عيالها مالها
مالها تايهه وتوهت منها العيال
مشاكلها ويا جوزها نار
لاويه بوزها ليل ونهار
ضاع العيال وهما لسه صغار
حل القضيه ياساده
نخلى بالنا زياده
ده ولادنا مستقبل بلادنا
هما فؤادنا
بيهم تتم العباده
********************
هذه القصيده للشاعر مصطفى عبد المنعم
من ديوان انسانيه الروح