** .. ياقلبَك المليان .. ** // بقلم الشاعرة_رضاعبدالوهاب‬ // مجلة ~ فيتارة القلم الذهبي

ياقلبَك المليان ساعات فدادين سُكات
وخطاوى حزن معشقة بطول السنين
وغناوي صوتك اتنبح مواويل آهات
ياقلبى المحروم ونفسه فى الحنين
بس الأوانى مكسرة فى البترينات
وأقول بكرة هتنجلى يا مشتاقين
الفرح فين بابه وبعيدة ليه المعجزات
ليه الطريق بنَّا طويل ولاَّ حزين
ببكى بعيون متكحلين والكل فات
الكل فاقد للهوية الكل واخداه السنين
وأنا جوَّا منك شريان بيسرى للممات
وآلام بتدبح فى المعانى بكلمتين
وحنين موارب على الحياة بيفوق ساعات
23/6/2016
‫#‏الشاعرة_رضاعبدالوهاب‬