---{ عيونك والمسا }--- بقلم //.. اليان سمعان... مجلة فيتارة القلم الذهبى

---{ عيونك والمسا }---

"""""""""""""""""""""""""""""""""""""""""""""""""""""""
سحر المسا عيونك والكحل يكوي
  خفي عليي شوي ماعاد اتحمل

بغمزة غنج منهن للقلب يشوي
جن الحرف فيهن قاعد لايتامل
غاب القمر يوما وجبينك بيضوي
  كيف السحر مرسوم الورق عم يسال
بترجف اعصابو خوف لما القلم ينوي
  يكتب باوصاف الحلا الحرف يتعطل
مهما كتبنا غزل الحرف مابيروي
  ولافي شعر بالكون لعندك بيوصل
قلبي ابتلى فيكي ياحب شو بسوي
شفافك لخمر العشق عاملة معمل
عيونك والمسا والكاس والحرف مزوي
  لوحة غزل انتي الحرف شو بيعمل
مهما العمر يمرق والزمن يطوي
  بيبقى بالقالب ساكن حبك الاول
~~~~~~~~~~~~~~~~~~~~~~~~~~~~~~~~~~
الشاعر السوري المهجري
 

..... اليان سمعان .....